一年一度的鹽水蜂炮又要來啦!

By PressLogic on 09 Feb 2019

 台灣盛典「鹽水蜂炮」每年元宵夜就會舉行,

地點係位於台南市嘅鹽水區,所以就叫「鹽水蜂炮」~

當晚會有無數「蜂炮」巡遊發射,都係台南市嘅盛事,每年都會吸引唔少遊客去架!

 

鹽水區靠近海,沿岸都係捕漁為生嘅漁民,蜂炮活動推測起於1885年,

當時瘟疫流行,居民基於民間習俗,向當地的「關聖帝君」祈求平安,

喺元宵節晚上一路燃放炮竹繞境。

 

民眾祈求神蹟降臨,沿途燃放炮竹直至天光,結束之後疫情就此減退!

民眾為感念神恩,

每年元宵夜都會放蜂炮還神,演變為今日蜂炮盛會!

參加烽炮活動嘅民眾都會準備完整嘅保護裝備以免受傷,

包括安全帽、圍巾或毛巾、棉質或牛仔外套長褲、手套及平底鞋或運動鞋,


千其唔好著雨衣可能融化或者會起火嘅衣物!


將全身保護完畢後,再進入燃放煙火嘅地區,參加炮聲隆隆、火光不斷嘅民俗慶典。
路線如下:


正月14日白天:武廟出發→舊岸內→牛稠仔→中庄→後寮→舊營→刺桐寮→觀音坪→武廟。
晚上:武廟出發→土庫→竹圍仔尾→橋南老街→草店尾→武廟。


正月15日白天:武廟出發→蔦松腳→武廟北側社區→武廟。
晚上:武廟出發→武廟路→三福路→大眾廟→中山路→中正路→伽藍廟→朝琴路→福安宮→點心城→月津橋→福南宮→回到武廟結束。

有唔少民宿都會開團帶大家去參加,仲有一個星期就到,Plan左去南部嘅你記得要留意喇!